افغان ځواکونو د ژېړۍ ولسوالۍ په جګړه کې طالبان مات کړي

امنیتي چارواکي وايي، هغه جګړه چې له تېرو څلورورځو راهیسې د کندهارولایت په ژېړۍ ولسوالۍ کې د وسله والو طالبانو او افغان ځواکونو تر منځ پېښه شوې، دا مهال مهار شوې او طالبانو ته درنده مرګ ژوبله اوښتې ده.
د ژړۍ په ولسوالۍ کې روانه سخته جګړه د لومړنيو ورکول

شويو معلوماتو پر اساس د څلور نيم سوه وسله والو طالبانو سره روانه ده.
د جمهور آژانس د خبر له مخې وروستۍ مرګ ژوبله چې د تېري ورځي را په دي خوا د ژړۍ د پاشمول په ګله باغ او نهر کاريز او نادي سيمو کې را منځته سوي پر مهال يې د څلويښتو څخه د زياتو وسله والو د وژني تاييد شوى دى.
د کندهار يوي امنيتي باوري سرچيني وويل چې د ژړۍ په ولسوالۍ کې د امنيتي ځواکونو وسله والو طالبانو تر منځ په دي څلور ورځنۍ سخته جګړه کې چې لومړى په نهو سيمو کې او دا مهال په دوو سيمو کې روانه ده په لسګونه وسله وال وژل شوي او ګڼ شمېر سرتېرو ته مرګ ژوبله اوښتي ده.
تېره شپه يولس بجي په ګله باغ سيمه کې د وسله والو طالبانو پر يوه ډله چې د امنيتي ځواکونو تر محاصري لاندي دي تر شلو تنو پورې وسله وال طالبان وژل سوي او ټپيان شوي دي.
په ژړۍ ولسوالۍ کې د پوليسو، ملي اردو، عامه نظم، ملي امنيت او سرحدي سرتېرو له لوري عمليات روان دي او هغه وسله وال چې څلور شپي وړاندي دغه ولسوالۍ ته د ميوند ولسوالۍ او نورو خواو څخه ننوتلي وه تر کلکي محاصري لاندي دي.
په لومړيو کې وسله والو طالبانو په ژړۍ کې د درني جګړي او امنيتي ځواکونو ته د زياتي مرګ ژوبلي خبر ورکړى وو خو وروسته له هغه يې د رسنيو سره په دي اړوند خبري نه دي کړي.
تر اوسه پوري د امنيتي ځواکونو د معلوماتو له مخي په دي جګړه کې ټول تر ١٥٠ تنه زيات وسله وال طالبان وژل سوي او په همدومره شمېر کې ټپيان سوي او له بلي تر دېرش تنه زيات ژوندي نيول سوي دي.
امنيتي ځواکونه په دي جګړه کې د شلو څخه د زياتو سرتېرو د وژني او دېرشو څخه د زياتو سرتېرو د ټپي کيدو پخلى کوي.
دا جګړه اوس هم روانه ده او په سيمه کې ميشت امنيتي ځواکونه وايې چې تر دوه ورځو پوري به يې عمليات پاى ته ورسيږي.
دا په داسې حال کې ده، چې چارواکو په خبره تېره ورځ د ننګرهار ولایت په حصارک ولسوالۍ کې هم لږ تر لږه ۱۰۰۰ وسله والو طالبانو چې پاکستاني پنجابیان هم په کې وو، د افغان سرتېرو په پوستو بریدونه کړي و، چې په ۶۰ وسله وال وژل شوي او نورو تېښته کړې ده.
جمهور آژانس: کندهار