کمیسیون انتخابات اعلام کرده است که محمداشرف غنی رییس جمهور و داکتر عبدالله عبدالله رییس اجرایی، امروز شنبه (30 جدی) به عنوان نامزدان انتخابات ریاست جمهوری ثبت نام خواهند کرد.
به گزارش
خبرگزاری جمهور؛ قرار است که شیدا محمد ابدالی سفیر پیشین افغانستان در دهلینو و نورالرحمان لیوال نیز امروز به عنوان نامزدان انتخابات ریاست جمهوری ثبت نام کنند.
در خبرنامه کمیسیون انتخابات آمده:"به سلسله روند ثبت نام کاندیدان ریاست جمهوری افغانستان، قرار است آقایان دوکتور عبدالله عبدالله، محمد اشرف غنی، شیدا محمد ابدالی، نور رحمن لیوال و شماری چهرههای دیگر که بستههای معلوماتی انتخابات ریاست جمهوری را بدست آورده اند، با معاونین شان رسما ثبت نام نمایند."
گفتنی است که امروز (30 جدی) آخرین روز ثبت نام نامزدان انتخابات ریاست جمهوری است. این روند از تاریخ 13 جدی آغاز شده بود.
تاکنون 12 نفر خودشان را به حیث نامزد انتخابات ریاست جمهوری ثبت نام کردهاند.
محمد حنیف اتمر، عبداللطیف پدرام، گلبدین حکمتیار، حکیم تورسن، سید نورالله جلیلی، عنایت الله حفیظ، زلمی رسول، نورالحق علومی، فرامرز تمنا، احمد ولی مسعود، رحمت الله نبیل، ابراهیم الکوزی کسانی که به حیث نامزدان انتخابات ریاست جمهوری ثبت نام کردهاند.
از سوی دیگر کمیسیون انتخابات اعلام کرده است که این کمیسیون امروز نتایج نهایی 9 ولایت را اعلام خواهد کرد.
خبرگزاری جمهور- کابل