محمداشرف غنی رییس جمهور کشور، در راس یک هیات عالی رتبه دولتی عازم بیشکیک پایتخت قرقیزستان شد.

محمداشرف غنی رییس جمهور کشور، در راس یک هیات عالی رتبه دولتی عازم بیشکیک پایتخت قرقیزستان شد.

به گزارش خبرگزاری جمهور؛ در خبرنامه ارگ ریاست جمهوری آمده که آقای غنی صبح امروز (پنجشنبه 23 جوزا) به منظور اشتراک در اجلاس سران سازمان همکاری‌های شانگ‌های عازم بیشکیک پایتخت قرغیزستان گردید.

در خبرنامه آمده است که آقای غنی ضمن سخنرانی در اجلاس سازمان همکاری‌های شانگ‌های، در حاشیه این اجلاس با شماری از رهبران و نمایندگان کشورهای عضو این سازمان نیز دیدار خواهد کرد.

گفتنی است که نشست سران شانگهای روزهای 13-14 جون در پایتخت قرقیزستان برگزار می‌شود.

سازمان همکاری شانگ‌های یک سازمان بین المللی بین دولتی است که در تاریخ 15 جون سال 2001 میلادی در شانگ‌های چین از سوی قزاقستان، چین، قرقیزستان، روسیه، تاجیکستان و ازبکستان تاسیس شده است.

در تاریخ 19 سرطان سال 1394 (10 جنوری سال 2015 میلادی) هندوستان و پاکستان نیز عضو سازمان همکاری شانگهای شدند.

اکنون افغانستان، ایران، مغولستان و بلاروس اعضای ناظر این سازمان هستند. ارمنستان، آذربایجان، نپال و کامبوج نیز از تاریخ 19 سرطان سال 1394 ه.ش (جنوری سال 2015 میلادی) به صف ترکیه و سریلانکا پیوستند و شریک گفتگو با این سازمان شدند.

خبرگزاری جمهور- کابل

-