غنی با رییس جمهور اوزبیکستان تلفونی صحبت کرد

13 قوس 1399 ساعت 9:47

ارگ ریاست جمهوری گفته که رییس جمهور غنی در مورد گسترش روابط دو جانبه، با رییس جمهور اوزبیکستان تلفونی صحبت کرده است.


ارگ ریاست جمهوری گفته که رییس جمهور غنی در مورد گسترش روابط دو جانبه، با رییس جمهور اوزبیکستان تلفونی صحبت کرده است.

به گزارش خبرگزاری جمهور؛ بر بنیاد اعلامیه ارگ این گفتگوی تلیفونی ظهر دیروز چهارشنبه (12 قوس) صورت گرفته است.

در اعلامیه آمده که رییس جمهور غنی و شوکت میرضیایف رییس جمهور اوزبیکستان، در این مکالمه تیلفونی، روی گسترش روابط و همکاری‌ها میان دو کشور در عرصه‌های مختلف به ویژه افزایش واردات برق از اوزبیکستان به افغانستان، بحث و تبادل نظر کردند.

گفتنی است که اوزبیکستان از جمله کشورهای همسایه افغانستان است که همواره روابط نیک با کابل دارد.

دو کشور هم اکنون روابط تجاری خود بیشتر از گذشته گسترش داده و نیز اوزبیکستان یکی از کشورهای صادرکننده مهم برق به افغانستان است.

خبرگزاری جمهور- کابل


کد مطلب: 134042

آدرس مطلب: https://www.jomhornews.com/fa/news/134042/

جمهور
  https://www.jomhornews.com