وزارت دفاع ملی کشور از بازداشت 10 نفر به اتهام همکاری با تروریستان در ولایت پروان خبر می‌دهد.

وزارت دفاع ملی کشور از بازداشت 10 نفر به اتهام همکاری با تروریستان در ولایت پروان خبر می‌دهد.

به گزارش خبرگزاری جمهور؛ وزارت دفاع ملی، امروز چهارشنبه (10 جدی) با نشر خبرنامه‌ای گفته که این افراد طی یک عملیات ویژه در قریه‌های عبدی بای، توغ بیردی، ده قاضی، دارا شاخیل، تیلانچی و صیادان ولایت پروان بازداشت شده‌اند.

در خبرنامه آمده:"در یک عملیات مشترک تصفیوی نیروهای لوای سوم فرقه 111 کابل و نیروهای پولیس و امنیت ملی که در قریه‌های عبدی بای، توغ بیردی، ده قاضی، دارا شاخیل، تیلانچی و صیادان ولایت پروان راه اندازی گردیده بود، مقدار زیاد سلاح و مهمات به دست نیروهای دفاعی و امنیتی افتاد".

وزارت دفاع ملی گفته که همچنان، 10 تن به اتهام همکاری با گروه‌های تروریستی  و جرم‌های جنایی نیز بازداشت گردیدند.

خبرگزاری جمهور- کابل