۰

رییس جمهور عازم تاجیکستان شد

دوشنبه ۹ حمل ۱۴۰۰ ساعت ۰۷:۵۸
محمداشرف غنی رییس جمهور کشور، صبح امروز دوشنبه (9 حمل) در رأس یک هیات عالی ‌رتبۀ دولتی عازم دوشنبه پایتخت تاجیکستان شد.
رییس جمهور عازم تاجیکستان شد
محمداشرف غنی رییس جمهور کشور، صبح امروز دوشنبه (9 حمل) در رأس یک هیات عالی ‌رتبۀ دولتی عازم دوشنبه پایتخت تاجیکستان شد.

به گزارش خبرگزاری جمهور؛ دفتر مطبوعاتی ارگ ریاست جمهوری گفته که آقای غنی به‌ منظور اشتراک در نهمین کنفرانس وزرای امور خارجۀ قلب آسیا- پروسۀ استانبول، عازم دوشنبه شده است.

رییس جمهور در این سفر دو روزه، برعلاوۀ اشتراک و سخنرانی در کنفرانس متذکره، با امام علی رحمان رییس جمهور تاجیکستان، صدراعظم و رییس پارلمان آن کشور دیدار می‌کند.

وی در این دیدارها، در مورد گسترش مناسبات و همکاری‌ها میان دو کشور در عرصه‌های مختلف، بحث و تبادل نظر خواهد نمود.

همچنان رییس جمهور کشور در جریان این سفر، در دانشگاه ملی تاجیکستان سخنرانی می‌نماید و سند دوکتورای افتخاری از سوی رییس دانشگاه متذکره، به وی اعطا خواهد شد.

خبرگزاری جمهور- کابل
 
 
نام شما

آدرس ايميل شما
نظر شما *

پربازدیدترین