از امروز معاشات سه ماهه تمام کارمندان دولتی یکجایی پرداخت می‌شوند

مسوولان در وزارت مالیه طالبان می‌گویند که معاشات سه ماهه تمام کارمندان دولت از امروز یک جایی پرداخت می‌شوند.

به گزارش خبرگزاری جمهور؛ احمد ولی حقمل سخنگوی وزارت مالیه طالبان امروز شنبه(29 عقرب) در یک نشست خبری در کابل گفت:" از امروز معاشات سه ماهه( سنبله، میزان و عقرب) تمام کارمندان دولتی یک‌جایی پرداخت می‌گردد.

او گفت:" معاشات کارمندان متقاعدین دولتی نیز پرداخت می‌گردد اما مشکل تخنیکی وجود دارد که برای حل آن کار جریان دارد و به زودی روند پرداخت معاشات متقاعدین نیز آغاز می‌گرد".

در همین حال معراج محمد معراج رئیس عمومی عواید وزارت مالیه طالبان نیز گفت: ما در سه ماه گذشته 26.915 میلیارد افغانی عواید جمع آوری کرده ایم.

گفتنی است که با سقوط حکومت پیشین و تسلط طالبان بر افغانستان کارمندان دولتی تا هنوز معاشات‌ خویش دریافت نکرده اند.

خبرگزاری جمهور- کابل