مسوولان در وزارت صحت عامه افغانستان می‌گویند که محموله 800 هزار دوز واکسین کرونا کمک شده کشور چین به کابل رسیده است.

داکتر جاوید هژیر سخنگوی وزارت صحت عامه امروز چهارشنبه(17 قوس) به خبرگزاری جمهور گفت:" محموله حامل 800 هزار دوز  واکسین کرونا، کمک شده از طرف کشور چین امروز به کابل رسیده و به مقامات وزارت صحت عامه تسلیم دادند".

داکتر هژیر گفت:" این 800 هزار دوز  واکسین از جمله 3 میلیون دوز  واکسین است که چین به افغانستان وعده داده بود".

از آغاز شیوع ویروس کرونا در افغانستان تا هنوز بیش از 150 هزار تن در افغانستان به این بیماری مبتلا شده و بیش از 140 هزار تن تداوی و بیش از 7 هزار تن دیگر در اثر این بیماری وفات کرده اند.

سخنگوی وزارت صحت می‌گوید که از آغاز روند واکسین کرونا در افغانستان تا هنوز بیش از 7میلیون افغان واکسینه شده است.

خبرگزاری جمهور- کابل