کابینه امارت اسلامی به وزارت مخابرات و تکنالوژی معلوماتی دستور داده که اپلیکیشن‌های پاپ‌جی و تیک‌تاک را در افغانستان مسدود کند.

به گزارش خبرگزاری جمهور؛ انعام الله سمنگانی معاون سخنگوی امارت اسلامی امروز پنج‌شنبه(اول ثور) در صفحه تویترش نوشته:" کابینه وزارت مخابرات و تکنالوژی معلوماتی را موظف کرده است تا گیم پب‌جی (PUBG) و اپلیکیشن بنام تیک‌تاک را که سبب گمراهی نسل جوان می‌گردد را مسدود نماید".

او نوشته:"به همین ترتیب از نشرات آنعده چینل‌های که مواد و برنامه‌های غیراخلاقی را نشر می‌نماید نیز حتی الامکان جلوگیری نماید".

پاپ‌جی و تیک تاک دو اپلیکیشن پُر طرفدار در جهان و افغانستان است که اکثر جوانان را مشغول بازی و تماشای ویدیویی خویش کرده است.

خبرگزاری جمهور- کابل