جان مارک پامرشیم سفیر امریکا در تاجیکستان می‌گوید کشورش قصد ندارد چرخبالهایی را که به تاجیکستان و اوزبیکستان منتقل شده را به طالبان تحویل دهد.

به گزارش خبرگزاری جمهور؛ پامرشیم در یک نشست خبری در دوشنبه پایتخت تاجیکستان، گفت این هواپیماها و چرخبالها متعلق به طالبان نیستند.

به نقل از خبرگزاری مستقل آسیا پلاس تاجیکستان، آقای پامرشیم اشاره‌ای به جزئیات گفتگوهای امریکا و تاجیکستان در این زمینه نکرده است.

پس از سقوط دولت افغانستان و تسلط طالبان بر این کشور در اوت سال گذشته، شمار زیادی بالگرد و هواپیماهای نظامی افغانستان به کشورهای همسایه منتقل شدند.

برخی گزارش‌ها می‌گوید شمار این چرخبال‌ها و هواپیماها حدود 150 فروند بوده؛ اما منابع رسمی شمار آن را بیشتر از 60 فروند گفته اند.

خبرگزاری جمهور- کابل