منابع مردمی در ولایت هرات می‌گویند که طالبان شماری از کارمندان دولتی در این ولایت را بخاطر اصلاح ریش محاکمه و نزدانی کرده‌اند.

به گفته منابع، ماموران امر به معروف و نهی از منکر طالبان، روز یک‌شنبه 8 اسد، شماری از کارمندان دولتی را به دلیل نداشتن ریش برای چند ساعت توقیف و شمار دیگر را به دادگاه این گروه، معرفی کرده‌اند.

ماموران امر به معروف و نهی از منکر طالبان گفته که آنان، پیش از این بارها از کارمندان دولتی خواسته تا ریش‌های خود را اصلاح نکنند.

گفته می‌شود که امر به معروف طالبان، شماری از کارمندان را برای چندین ساعت در کانتینر زندانی کرده‌اند. ماموران امر به معروف طالبان، پس از گرفتن تعهد از کارمندان دولتی برای گذاشتن ریش، آنان را دوباره رها کرده‌اند.

ماموران امر به معروف تهدید کرده‌اند که اگر فردی از ماموران دولتی پس از این ریش نگذارد، تا سه ماه زندانی خواهند خواهند شد.

خبرگزاری جمهور