سازمان عفو بین الملل از جامعه جهانی خواسته که پرونده‌های مهاجرتی مهاجران افغانستان از پاکستان را تسریع کند.

این سازمان شب گذشته 6 حمل، با نشر اعلامیه‌ای گفته که برنامه‌های پاکستان برای ادامه اخراج شهروندان افغانستان، جان بسیاری آنان را به خطر می‌اندازد.

در اعلامیه از جامعه جهانی خواسته شده که پرونده‌های پناهندگی و اسکان مجدد شهروندان افغانستان در پاکستان را تسریع بخشد.

عفو بین‌الملل همچنین از دولت پاکستان خواسته که اخراج‌های دسته‌جمعی مهاجران و پناه‌جویان را متوقف و از حقوق پناهندگان طبق قوانین بین‌المللی حقوق بشر محافظت کند.

این در حالی است که دولت پاکستان به تازگی اعلام کرده که مرحله دوم اخراج مهاجران افغانستان از 15 اپریل آغاز می‎‌کند.

دولت پاکستان در مرحله اول این برنامه، بیش از 500 هزار مهاجر افغانستان را اخراج کرده‌است.

خبرگزاری جمهور