ترکیې د امریکا د بهرنیو چارو وزارت د هغه څرګندونو له امله چې ویلي یې دي واشنګټن د سوریې د کرد ډیموکراټیک اتحاد ګوند د یوه تروریستي سازمان په توګه نه پېژني په دغه هېواد کې د امریکا سفیر احضار کړی.
د جمهور آژانس د خبر له مخې د امریکا د بهرنیو چارو وزارت ویلي واشنګټن د سوریې د کُرد ډیمواکراټیک اتحاد ګوند د یوه تروریستي سازمان په توګه نه پېژني او په سوریې کې یې د داعش ډلې په وړاندې جګړه کې د دغه اتحاد ملاتړ کړی دی.
ترکي چارواکي وایي، په دغه هېواد کې د امریکا سفیر جان باسJohn Bass یې د سې شنبې په ورځ احضار کړی او په دې اړه یې د انقرې اندېښنه ورسره شریکه کړې ده.
دغې موضوع د دواړو هېوادونو ترمنځ اړیکي خړ پړې کړې او د ترکیې ولسمشر رجب طیب اردوغان حتی پر واشنګټن غږ کړی چې د پې. وای. ډيPYDاو ترکیې ترمنځ یو د خپل متحد په توګه انتخاب کړي.
انقره دغه ګوند د کُرد کارګر ګوند یا پې. کې. کې یوه برخه ګڼي چې د ترکیې په جنوب کې د کردانو د خپلواکۍ لپاره جنګېږي.
جمهورآژانس:کابل