د پاکستان د جمعیت علمای اسلام ګوند مشر مولانا سمیع الحق وايي، د ملا هبت الله په ټاکل کېدو سره به طالبان یو موټی او په افغانستان کې جګړه لا تېزه او خونړۍ شي.
د جمهور آژانس د خبر له مخې مولانا سمیع الحق دغه څرګندونې له پاکستانه خپرېدونکې ډان ورځپانې ته په یوه مرکه کې کړې دي.
نوموړي هغه کسان چې فکر کوي، ملا هبت الله یوازې یو عادي ملا دی ژر به پوه شي، چې هغه په جګړه کې څومره مهارت لري.
سمیع الحق دغه ورځپانې ته ویلي««څوک چې فکر کوي چې هبت الله اخوند زاده صرف یو ملا دی او یوازې دیني افکار لري، ژر به پوی شي چې دی د طالبانو د جګړې په قومانده کې څومره مهارت لري.»
ده ویلي، چې د ملا اختر محمد منصور وژنه به له طالبان سره په یو موټي کېدو کې مرسته وکړي او طالبان به پر دې پوه کړي، چې له امریکا سره سوله او خبرې بې ګټې دي.
جمهورآژانس:کابل