د امریکا نړیواله پراختیايي اداره یا USAID وايي، په پام کې لري، چې پر نېږدې درې نیم میلیونه بې وزله افغانانو غنم او اوړه و ویشې.
د جمهور آژانس د خبر له مخې د دغه ادارې سرپرست کاترین ستیونز دغه مرسته د شل میلیونه ډالرو په ارزښت ده.
نوموړي ویلي، چې یاده مرسته د خوړو د نړیوال سازمان یا WFP له لارې په ۲۵۰ ولسوالیو کې په درې اعشاریه څلور میلیونه افغانانو ته دا مرستې ورسېږي.
د امریکا پرمختیایي ادارې د روان میلادي کال له پیله تراوسه په افغانستان کې له بې وزلو او بې ځایه شویو سره تر اوسه د څلویښت میلیونه ډالرو په ارزښت مرستې کړې دي.
جمهورآژانس:کابل