د جمهور خبري آژانس مرکز 14 جوزا 1399 ساعت 11:48 http://jomhornews.com/ps/news/128374/ -------------------------------------------------- سرليک : ناټو د کابل په وزیر اکبرخان کې پرونی برید غندلی دی -------------------------------------------------- ناټو سازمان د افغانستان پلازمېنې کابل په وزیراکبر خان سیمه کې چاودنه، چې په کې د هېواد مشهور دیني عالم ډاکتر محمد ایاز نیازی هم په کې شهید شو، په کلکه غندلی دي. متن - منځ : ناټو سازمان د افغانستان پلازمېنې کابل په وزیراکبر خان سیمه کې چاودنه، چې په کې د هېواد مشهور دیني عالم ډاکتر محمد ایاز نیازی هم په کې شهید شو، په کلکه غندلی دي. د جمهور آژانس د خبر له مخې په افغانستان کې د دغه سازمان نوي ملکي استازي استفانو پونتیکورو په خپله ټوېټر پاڼه لیکلي چې پر عبادتځایونو او د خلکو په راټولېدنو بریدونه د منلو وړ نه دي. استفانو پونتیکورو ویلي، افغانان د سوله ییز او سوکاله ژوند مستحق دي او ناټو په دې چاره او له ترهګرۍ سره په مبارزه کې د افغانانو تر څنګ ولاړه ده. باید وویل شي، چې پرون سه شنبې د غبرګولي ۱۳ د کابل د وزیر اکبرخان په جامع جومات کې چاودنه شوه، چې په کې د دغه جومات خطیب، دیني عالم او پوهنتون استاز ډاکتر محمد ایاز نیازی او یو بل لمونځ کوونکی شهیدان او دوه نور ټپيان شول. د برید مسوولیت چا تر اوسه نه دی اخیستی، خو طالبانو دغه برید غندلی او دا یې یو جنایت بللی دی. خو د افغان ولسمشر لومړی مرستیال امرالله صالح دا کار د طالبانو بولي او وايي، دا دوی دي، چې ترهګرۍ ته یې بنسټ اېښۍ دی. جمهورخبري آژانس:کابل