د جمهور خبري آژانس مرکز 29 عقرب 1399 ساعت 9:12 http://jomhornews.com/ps/news/133576/ -------------------------------------------------- سرليک : سټولټنبرګ له غني سره خبرو کې: د افغان ځواکونو مرستې ته دوام ورکوو -------------------------------------------------- د ناټو سرمشنی ینس سټولټنبرګ له افغان ولسمشر محمد اشرف غني سره خبرو کې ویلي، چې ناټو سازمان د افغان ځواکونو سره د مرستې دوام ته ژمنه ده. متن - منځ : د ناټو سرمشنی ینس سټولټنبرګ له افغان ولسمشر محمد اشرف غني سره خبرو کې ویلي، چې ناټو سازمان د افغان ځواکونو سره د مرستې دوام ته ژمنه ده. د جمهور آژانس د خبر له مخې ولسمشر غني او د ناټو سرمشنی ینس سټولټنبرګ تېره شپه د لړم ۲۸ مه تلېفوني خبرې کړې دي. د ارګ خبرپاڼه وایي، په دې ټلېفوني مکالمه کې، په افغانستان کې د ناټو ماموريت او سولې پروسې په اړه بحث وشو. سرچینه وایي، د ناټو سرمنشي په خپلو خبرو کې و ویل، چې ناټو سازمان ان په افغانستان کې د امريکايي ځواکونو په کمېدو سره به د د نړوالې ترهګرۍ پر وړاندې د مبارزې په برخه کې د افغان د امنيتي او دفاعي ځواکونو روزنې، مشورې ورکولو او مرستې ته دوام ورکوي. ولسمشر غنی او ینس سټولټبرګ پر داسې مهال تلېفوني خبرې کوي، چې د امریکا ولسمشر ډونالډ ټرمپ وړمه ورځ له افغانستان څخه د خپلو ۲ زره نورو سرتېرو د ایتسلو اعلان وکړ. د امریکا د دفاع نوي وزیر د ټرمپ له فرمان وروسته په یوه خبري ناسته کې و ویل، چې تر جنورۍ پورې به په افغانستان کې د امریکايي ځواکونو شمېر ۲۵۰۰ ته راټيټ کړي. خو د ټرمپ له دغه پرېکړې او پټنټاګون له اعلان وروسته د ناټو سرمنشي ینس سټولټبرنګ په یوه اعلامیه کې ویلي و، چې د سرتېرو په ایتسلو کې باید بېړه ونه شي. نوموړي ویلي، چې د امریکا په ګډون د ناټو متحدین په ګډه افغانستان ته تللی او په ګډه باید په سنجول شوي ډول د سرتېرو د ایستلو او نه ایستلو په اړه پرېکړې کړي. جمهورخبري آژانس:کابل