د جمهور خبري آژانس مرکز 5 عقرب 1400 ساعت 14:05 http://jomhornews.com/ps/news/144015/ -------------------------------------------------- ایران: سرليک : په افغانستان او سیمه کې د ستونزو لامل زبرځواک هېوادونه دي -------------------------------------------------- د ایران د بهرنیو چارو وزیر حسین امیر عبدالهیان وايي، په افغانستان او سیمه کې د اوسني بحران لامل د زورواکو هېوادونو مداخله ده. متن - منځ : د ایران د بهرنیو چارو وزیر حسین امیر عبدالهیان وايي، په افغانستان او سیمه کې د اوسني بحران لامل د زورواکو هېوادونو مداخله ده. د جمهور آژانس د خبر له مخې عبدالهیان دغه څرګندونې نن چهارشنبې د لړم ۵ مه تهران کې د افغانستان په اړه د سیمې د یو شمېر هېوادونو د بهرنیو چارو وزیرانو په غونډه کې وکړې. عبدالهیان په دغه غونډه کې ټینګار وکړ، چې په افغانستان او سیمه کې د رامنځ ته شویو بحرانونو او ستونزو ستر لامل د زبرځواکونو هېوادونو مداخلې دي. نوموړي و ویل، امریکا شل کاله وړاندې له ترهګرۍ سره د مبارزې په نوم پر افغانستان یرغل وکړ او په دغه هېواد کې یې د شل کلن حضور پایله د ترهګرۍ، بې ثباتې، جنګ او ناامنیو پرته بله هېڅ نه وه. د ایران د بهرنیو چارو وزیر وايي، هیله لري چې جوړه شوې ناسته په افغانستان کې د ثبات له راتګ سره مرسته وکړي. نوموړي ټینګار کړی دی چې د سیمې هېوادونه په ګډو هڅو سره کولی شي نه یوازې افغانستان بلکې ټوله سیمه له شته ستونزو څخه وباسي. جمهورخبري آژانس:کابل