د جمهور خبري آژانس مرکز 21 عقرب 1398 ساعت 9:04 http://jomhornews.com/ps/news/122146/ -------------------------------------------------- سرليک : د پوهنې وزارت مخکنی وزیر اسدالله بلخي ومړ -------------------------------------------------- د افغانستان د پوهنې وزارت مخکنی وزیر اسدالله حنیف بلخي د یوې ورپېښې ناورغۍ له امله ومړ. متن - منځ : د افغانستان د پوهنې وزارت مخکنی وزیر اسدالله حنیف بلخي د یوې ورپېښې ناورغۍ له امله ومړ. د جمهور آژانس د خبر له مخې ویل کېږي، مرحوم اسدالله بخلي له اوږدې مودې راهیسې د سرطان په ناورغۍ اخته وو. مرحوم بخلي په کال ۱۳۳۶ لمریز کال په بلخ ولایت کې زېږدلی او د سعودي عربستان په ام القری پوهنتون کې یې د دکترا تر کچې زده کړې وې. هغه په ۱۳۸۲ کال کې د هېواد په بهرنیو چارو وزارت کې کار پیل کړ او په کال ۱۳۹۱ کې په کویټ کې د افغان سفیر په توګه وټاکل شو. مرحوم اسدالله بلخي د ملي یووالي حکومت په رامنځ ته کېدو سره د پوهنې د وزیر په توګه وټاکل شو او تر ۱۳۹۶ کال پورې یې دغه دندې ته دوام ورکړ. د جمعیت ګوند اجرائیه رییس استاد عطا محمد نور او افغان حکومت اجرائیه ریاست د اسدالله بلخي مړینه یوه لویه ضایع بللې او کورنۍ ته یې تسلیت غوښتی دی. جمهورخبري آژانس:کابل