د جمهور خبري آژانس مرکز 3 دلو 1398 ساعت 14:04 http://jomhornews.com/ps/news/124351/ -------------------------------------------------- سرليک : د سولې ملاتړ لپاره د نړېوالې ډلې جوړولو هڅې پیل شوې دي -------------------------------------------------- د سولې په چارو کې د دولت وزارت وایي، افغان حکومت د سولې بهیر څخه د نړیوال ملاتړ ډلې د جوړولو هڅې پیل کړې دي. متن - منځ : د سولې په چارو کې د دولت وزارت وایي، افغان حکومت د سولې بهیر څخه د نړیوال ملاتړ ډلې د جوړولو هڅې پیل کړې دي. د جمهور آژانس د خبر له مخې یاد وزارت زیاتوي، چې د همدې لپاره یې په کابل کې له بهرنیو دیپلوماتانو سره خبرې پیل کړې، چې لا هم دوام لري. دغه وزارت په یوه خبرپاڼه کې ویلي، دا نړیواله ډله به د افغانستان د سولې أپاره د نړیوالو هڅو د منسجم کولو او په دې برخه کې د اجماع د پیاوړتیا لپاره جوړېږي. خبرپاڼه وايي، د افغان سولې له پروسې څخه د نړیوال ملاتړ ډله د ولسمشر محمداشرف غني د فرمان په اساس جوړېږي، چې رهبري به یې د افغانستان په استازیتوب د سولې په چارو کې د دولت وزارت په غاړه وي. سرچینه زیاتوي، چې د دغې ډلې د جوړولو لپاره د افغانستان د سولې په چارو کې د دولت وزیر عبدالسلام رحیمي په کابل کې د یو شمیر هېوادونو له سفیرانو سره لیده کاته پیل کړي دي. ښاغلي رحیمي د دغو لیدو کاتو په لړ کې د روسیې، هسپانیې، ترکمنستان، اندونیزیا او سعودي عربستان له سفیرانو سره په جلا لیدنو کې خبرې کړې دي. د افغان سولې له پروسې څخه د نړیوال ملاتړ دغه ډله په داسې حال کې جوړېږي، چې تر اوسه طالبانو له افغان حکومت سره د خبرو لپاره د ولسمشر رئیس غني د اوربند شرط نه دی منلی. جمهورخبري آژانس:کابل