د جمهور خبري آژانس مرکز 15 حمل 1399 ساعت 22:13 http://jomhornews.com/ps/news/126575/ -------------------------------------------------- د ارګ نوې ټاکنې: سرليک : طاهر زهیر وزیر، سالنګي او نیازی معیان او قتالي والي وټاکل شو -------------------------------------------------- متن - منځ : ولسمشرغني د جلا فرمانونو پر اساس محمد طاهر زهیر د اطلاعاتو او کلتور نوماند وزیر، محمد ایوب سالنګي د سیمه ییزه ارګانونو د مالي او اداري معین په توګه ټاکلي. دغه راز ولسمشر غني روح الله نیازی د سیمه ییزه ارګانونو ادارې د شاروالیو د معین او سید وحید قتالي یې د هرات د والي په توګه ټاکلي دي. د جمهور آژانس د خبر له مخې د یادو کسانو د ټاکنې پخلي ولسمشرۍ ماڼۍ نن جمعه د وري ۱۵ مه په خپله فسبوک پاڼه کړی دی. په خبرپاڼه کې ویل شوي د اساسي قانون د ۶۴ مادې د ۱۱ بند د حکم سره سم د ښاغلي زهیر نوماندي ولسمشر غني ته منظوره ده او د باور رایو تر لاسه کولو لپاره به ولسي جرګې ته ورمعرفي شي. د یادونې ده، چې زهیر تر دې وړاندې د بامیانو والي او ایوب سالنګي بیا د کورنیو چارو پخوانی امنیتي معین وو. تر دې وړاندې ولسمشر غني عبدالهادي ارغندیوال د مالیې وزارت د سرپرست او نوماند په توګه، محمد داود سلطان زوی د کابل د ښاروال په توګه او محمد شاکر کاګر بیا د ولسمشرۍ ماڼۍ د دفتر د رییس په توګه ټاکلي او په رسمي توګه معرفي کړي وو. جمهورخبري آژانس:کابل