د جمهور خبري آژانس مرکز 11 اسد 1397 ساعت 11:21 http://jomhornews.com/ps/news/106974/ -------------------------------------------------- سرليک : اروپايي ټولنه وايي له افغانستان سره به خپلو مرستو ته دوام ورکړي -------------------------------------------------- اروپايي ټولنې په ننګرهار ولایت کې وروستي خونړي برید ته په اشارې ویلي، چې دغه ټولنه په دې سختو شرایطو کې د افغانانو تر څنګ ولاړه ده. متن - منځ : اروپايي ټولنې په ننګرهار ولایت کې وروستي خونړي برید ته په اشارې ویلي، چې دغه ټولنه په دې سختو شرایطو کې د افغانانو تر څنګ ولاړه ده. د جمهور آژانس د خبر له مخې دغه ټولنې په یوه خبرپاڼه کې زیاته کړې، په جلال آباد ښار کې شوی برید په سختو ټکو غندلی او دا یې د ټولو بشري او انساني قوانینو خلاف عمل بللی دی. اورپايي ټولنې په دې خبرپانه کې د افغانستان سره د مرستو پر دوام ټنیګار کړی او ویې ویلي یې دي، چې دوی د افغانانو تر څنګ ولاړ دي. دغه ټولنې له ټولو ښکېلو خواوو غوښتي چې انساني ژوند ته درناوی ولري او د ملکي وګړو له وژلو لاس واخلي. یادې ټولنې په افغانستان کې روان تاوتریخوالی یوازې د خبرو له لارې د حل وړ دی او دغه ټولنه د افغانانو په مشرۍ د سولې له خبرو ملاتړ کوي. باید و ویل شي، چې وړمه ورځ د ننګرهار مرکز جلال آباد ښار کې د کډوالو چارو پر ریاست ډلیز ځانمرګی وسله وال برید وشو، چې په کې ۱۵ تنه ولسي وګړي و وژل شول او ۱۴ نور ټپیان شول. جمهورخبري آژانس:ننګرهار