د جمهور خبري آژانس مرکز 2 دلو 1400 ساعت 10:58 http://jomhornews.com/ps/news/147006/ -------------------------------------------------- امریکايي سناتوران خپل حکومت ته! سرليک : د افغانستان کنګل شوې پیسې پرېږدۍ او افغانانو ته وېزې آسانه کړۍ -------------------------------------------------- ګڼ شمېر امریکايي دموکرات سناتورانو په یوه لیک کې د امریکا د ولسمشر جوبایډن نه غوښتي، چې د افغانستان کنګل شوې پیسې پرېږدي. متن - منځ : ګڼ شمېر امریکايي دموکرات سناتورانو په یوه لیک کې د امریکا د ولسمشر جوبایډن نه غوښتي، چې د افغانستان کنګل شوې پیسې پرېږدي. د جمهور آژانس د خبر له مخې دوی بایډن ته په لېږلي لیک کې ویلي، چې د کنګل شویو پیسو ډېره برخه باید افغانستان کې د بشري او اقتصادي ناورین د مخنیوي لپاره خوشې کړي. دوی ویلي، امریکا دغه پیسې افغانستان کې د ملګرو ملتونو د استازولیو له لارې باید په داسې ډول افغانانو ته ورسول شي چې د طالبان لاسته ورنه شي. په لیک کې چې د ۴۰ ډموکرات سناتورانو له خوا لیکل شوی او ۱۳ سنارتورانو په کې لاسلیک کړی ویل شوي چې د دغه پانګې د انتقال لپاره باید یو ځانګړی خصوصي بانک جوړ شي. په همدې حال کې یو شمېر امریکایي سناتورانو د امریکا د بهرنیو چارو وزیر انتوني بلېنکن او د دې هېواد د کورني امنیت وزیر الخاندرو مایورکس ته د یوه لیک په استولو سره له هغوی غوښتي چې د هغو افغانانو ته د بشر دوستانه ویزو د ورکړې بهیر اسانه کړي چې د وېزې غوښتنه یې کړې. امریکايي سناتوران داسې مهال د افغانستان د کنګل شویو پيسو د ازادولو غوښتنه کوي چې افغانستان کې د بشري او اقتصادي ناروین په تړاو اندېښنې د هرې ورځې په تېرېدو سره لاپسې ډېرېږي. جمهورخبري آژانس:کابل