د جمهور خبري آژانس مرکز 31 سنبله 1400 ساعت 8:46 http://jomhornews.com/ps/news/142778/ -------------------------------------------------- سرليک : افغان کرکټ ته لوی خطر، ښايي له نړیوال جام محروم کړی شي -------------------------------------------------- د کرکټ نړیوال شورا اعلان کړی، چې د افغانستان کرکټ ملي لوبډلې ته ښايي د طالبانو د بیرغ په لرلو سره په نړیوال جام کې ونډه ورنه کړای شي. متن - منځ : د کرکټ نړیوال شورا اعلان کړی، چې د افغانستان کرکټ ملي لوبډلې ته ښايي د طالبانو د بیرغ په لرلو سره په نړیوال جام کې ونډه ورنه کړای شي. د جمهور آژانس د خبر له مخې دغه شورا ویلي، دوی انتظار دي او ګوري، چې د افغانستان کرکټ ملي لوبډله له کوم بیرغ سره په نړیوال جام کې ګډون کوي. دغه شورا خبرداری ورکړی او اندېښنه یې ښودلې، چې که افغان کرکټ ملي لوبډله د طالبانو له بیرغ سره په دغه جام کې ګډون وکړي، دا احتمال شته، چې له لوبو ومنع کړی شي. راپورونه وایي، د کرکټ نړیوالې شورا ویلي، ۱۶ لوبډلې باید خپل بیرغونه دغه شورا ته ورمعرفي کړي. د کرکټ د معمول سره سم د هر هېواد لوبډله د خپل هېواد د بیرغ سره په دغه لوبو کې ګډون کوي، خو دا خل دا موضوع د افغانستان په اړه توپیر لري. دلته اوس د افغانستان د ملي بیرغ پر ځای د طالبانو د اسلامي امارت بیرغ رپاند دی او د کرکټ د نړیوالې شورا د اعلان له مخې که ملي لوبډله د طالبانو له بیرغ سره په لوبو کې د ګډون وکړي، ښايي له نړیوال جام محروم کړی شي. په ورته وخت کې ویل کېږي له همدې امله د کرکټ نړیواله شورا په پام کې لري، چې د افغانستان د کرکټ ملي لوبډلې په اړه بېړنۍ غونډه وکړي. جمهورخبري آژانس:کابل