د جمهور خبري آژانس مرکز 19 حمل 1399 ساعت 10:38 http://jomhornews.com/ps/news/126695/ -------------------------------------------------- سرليک : افغانستان کې په کرونا ویروس د اخته کسانو شمېر ۴۲۳ تنو ته ورسېده -------------------------------------------------- د عامې روغتیا وزارت چارواکي وايي، په هېواد کې په کرونا ویروس د اخته کسانو شمېر ۴۲۳ تنو ته ورسېده. متن - منځ : د عامې روغتیا وزارت چارواکي وايي، په هېواد کې په کرونا ویروس د اخته کسانو شمېر ۴۲۳ تنو ته ورسېده. د عامې روغتیا وزارت ویاند وحید مایار نن سه شنبې د وري ۱۹ مه جمهور خبري آژانس ته و ویل، چې په تېرو ۲۴ ساعتونو کې د کرونا ویروس ۵۶ مثبتې پېښې ثبت شوې دي. نوموړي زیاته کړه له دغه ۵۶ ثبت شویو پېښو څخه ۲۷ تنه په هرات، ۱۲ تنه کابل، ۱۰ تنه کندهار، ۵ تنه په بلخ او دوه تنه نور هم په ننګرهار ولایت کې دي. د عامې روغتیا وزارت د ویاند په وینا په دې ۵۶ پېښو سره په افغانستان کې په کرونا ویروس د اخته کسانو شمېر ۴۲۳ تنو ته ورسېده. د یادونې ده، چې کرونا ویروس تر اوسه پورې په افغانستان کې د یوه ډاکتر په ګډون ۱۱ تنه مړه کړي او ۱۷ نور ترې رغېدلي دي. جمهورخبري آژانس:محمد رقیب فیاض