د جمهور خبري آژانس مرکز 1 جوزا 1399 ساعت 11:43 http://jomhornews.com/ps/news/128062/ -------------------------------------------------- پنټاګون: سرليک : پاکستان اوس هم د تاوتریخوالي د دوام لپاره د طالبانو ملاتړ کوي -------------------------------------------------- د امریکا دفاع وزارت یا پنټاګون کانګرس ته په درې میاشتني راپور کې ویلي، پاکستان په افغانستان کې د تاوتریخوالي د دوام لپاره د طالبانو د سختدریځو عناصرو ملاتړ ته دوام ورکوي. متن - منځ : د امریکا دفاع وزارت یا پنټاګون کانګرس ته په درې میاشتني راپور کې ویلي، پاکستان په افغانستان کې د تاوتریخوالي د دوام لپاره د طالبانو د سختدریځو عناصرو ملاتړ ته دوام ورکوي. د جمهور آژانس د خبر له مخې د پنټاګون د سرمفتش دا راپور، چې د بهرنیو چارو وزارت او د متحدو ایالتونو د نړیوالې پراختیا ادارې په مرسته بشپړ شوی، د اسلام اباد له لوري د پخوانۍ پالیسۍ دوام تاییدوي چې دا هیواد یې په افغانستان کې د خپلو ګټو دفاع بولي. په دې راپور کې د جنورۍ له میاشتې د مارچ تر پایه د پاکستان هلې ځلې څارل شوي او دا موده له دې نظره هم مهمه ده چې د فبرورۍ په پای کې یې امریکا له طالبانو سره د سولې موافقه لاسلیک کړه. اسلام اباد په دې موافقه خوښي ښکاره کړه او خپل رول یې پکې مهم وباله. په راپور کې د دفاع د استخباراتي ادارې (DIA) د راپورونو پر اساس ویل شويپاکستان په خپله غېږ کې د طالبانو او د هغو د ملاتړو ډلو، لکه حقاني شبکې پالنې ته دوام ورکړی. دا ډلې د افغانستان پر ګټو د حملو توان لري. په دې راپور کې، چې د مې میاشتې په نولسمه خپور شو، یادونه شوې چې اسلام اباد افغان طالبان هڅولي چې د سولې په خبرو کې ګډون وکړي خو له داسې اقدامه یې ډډه کړې چې له کبله یې له دې ډلې سره اړیکې خرابې شي او یا دا ډله له نور تاوتریخوالي راوګرځي. جمهورخبري آژانس:کابل