د جمهور خبري آژانس مرکز 14 عقرب 1399 ساعت 13:33 http://jomhornews.com/ps/news/133129/ -------------------------------------------------- شیخ یوسف القرضاوی: سرليک : د افغان جګړې ښکېل لوري د نرمښت وښي او سوله د وکړي -------------------------------------------------- د اسلامي نړۍ مشهور دینی عالم او مفتي شیخ یوسف القرضاوي د افغان جګړې پر ښکېلو لورو غږ کړي، چې له جګړې لاس واخلي. متن - منځ : د اسلامي نړۍ مشهور دینی عالم او مفتي شیخ یوسف القرضاوي د افغان جګړې پر ښکېلو لورو غږ کړي، چې له جګړې لاس واخلي. د جمهور آژانس د خبر له مخې قرضاوي ویلي، د جګړې دواړه لوري مسلمانان دي، په داسې حال کې، چې د مسلمانانو تر منځ جګړه حرامه ده نو باید دواړه لوري نرمښت راولي او د سولې لپاره ګامونه واخلي. ښاغلي قرضاوي دغه څرګندونې، دوحه کې د طالبانو سره د افغان حکومت د مرکچي پلاوي له غړو سره په لیدنه کې کړې دي. د سولې په چارو کې د دولت وزارت په یوه خبرپاڼه کې وايي، دغو لیدو کتو کې افغان مرکچیانو له القرضاوي سره د افغانستان په شرایطو او په جګړه کې د افغانانو د هرې ورځې قربانۍ په اړه خبرې کړې دي. د سرچینې په وینا قرضاوي ویلي، د اسلامي نړۍ علما په افغانستان کې د جګړې په اړه غمجن دي، ځکه د جګړې دواړه لوري مسلمان دي. په ورته وخت د ملي روغې جوړې عالي شورا وايي، د اسلامي نړۍ د دیني عالمانو د ټولنې مشر شیخ یوسف قرضاوي د مذاکره کوونکي ډلې له یو شمېر غړو سره په لیدنه کې ویلي، دوی د نړۍ د دیني عالمانو له هغې فتوا چې په افغانستان کې جګړه مشروعیت نلري ملاتړ کوي. د دغې شورا ویاند فریدون خوځون پر خپل ټوېټر لیکلي چې په دغه لیدنه کې یوسف قرضاوي ویلي، اسلام د وحدت او ورورولۍ دین دی او د مسلمانانو تر منځ جګړه ناروا ده. د یادونې ده چې تر دې مخکې هم په افغانستان کې د روانې جګړې په هکله د نړۍ ګڼ شمېر دیني عالمانو فتوا ورکړي او دا جګړه یې د اسلامي شرعیت خلاف بللې ده. د دیني عالمانو په وینا افغان جګړه کوم شرعي جواز نه لري، بلکې قدرت ته د رسېدو هڅه ده چې هره ورځ پکې بې ګناه مسلمانان وژل کېږي. څو ورځې وړاندې کابل کې سلګونو دیني عالمانو، دغه زار د نړۍ د اسلامي ټولنې مشر، د بنګله دېش او اندونیزیا د دینی عالمانو شوراګانو هم په افغانستان کې جګړه ناروا او حرامه وبلله. جمهورخبري آژانس:کابل