د جمهور خبري آژانس مرکز 14 حمل 1399 ساعت 10:57 http://jomhornews.com/ps/news/126532/ -------------------------------------------------- د ناټو سرمشني: سرليک : افغانستان کې د یووالي پر بنسټ د قوي حکومت غوښتونکي یو -------------------------------------------------- د ناټو عمومي منشي ینس سټولټنبرګ وايي، دغه سازمان په افغانستان کې د یووالي پر بنسټ د یوه قوي حکومت غوښتونکی دی. متن - منځ : د ناټو عمومي منشي ینس سټولټنبرګ وايي، دغه سازمان په افغانستان کې د یووالي پر بنسټ د یوه قوي حکومت غوښتونکی دی. د جمهور آژانس د خبر له مخې ښاغلي سټولټنبرګ نن پنشنبې د وري ۱۴ مه په یوه خبري غونډه کې په افغانستان کې پر یووالي او د قوي حکومت پر جوړولو ټینګار کړی دی. نوموړي ویلي، دوی په افغانستان کې روان سیاسي وضعیت له نږدې څاري اوله سیاسي کشمکشونو خبر دي. د هغه په وینا ناټو له ټولو سیاستوالو غوښتنه کوي چې ژر تر ژره دې سره یو شي او په خپلو کې شته ستونزې دې د خبرو او یووالي پر مټ حل کړي. دی وايي، د دې وخت دی چې په افغانستان کې یو پیاوړی، متحد او پر یووالي ولاړ حکومت رامنځ ته شي او هغه حکومت بیا له طالبانو سره د سولې خبرې مخ ته یوسي. د ناټو عمومي منشي زیاته کړې، چې یاد سازمان په افغانستان کې د ټولو اړخونو له ګډون د جوړ شوي قوي حکومت غوښتونکې ده. د ناټو عمومي منشي داسې مهال دغه څرګندونې کوي چې لا هم د پخواني اجرایه رییس او ولسمشر غني ترمنځ د واک پر سر ناندرۍ روانې دي. خو په دې وروستیو کې د یو شمېر سیاسیونو له خوا هڅې پیل شوي تر څو دغه کړکېچ پای ته ورسېږي. جمهورخبري آژانس:کابل