د جمهور خبري آژانس مرکز 24 اسد 1397 ساعت 16:00 http://jomhornews.com/ps/news/107416/ -------------------------------------------------- ولسمشر: سرليک : پر غزني برید د ټولو اسلامي هېوادونو په ارزښتونو برید دی -------------------------------------------------- افغان ولسمشر محمد اشرف غني وايي، پر غزني ښار د وسله والو طالبانو برید د اسلامي نړۍ پر پلازمېنه او د ټولو اسلامي هېوادونو په ارزښتونو برید دی. متن - منځ : افغان ولسمشر محمد اشرف غني وايي، پر غزني ښار د وسله والو طالبانو برید د اسلامي نړۍ پر پلازمېنه او د ټولو اسلامي هېوادونو په ارزښتونو برید دی. د جمهور آژانس د خبر له مخې ښاغلي غني، چې نن چهارشنبې د زمري ۲۴ مه یې کابل کې د سولې له پاره د افغان ښځو په ملي غونده کې وینا کوله و ویل، چې پر غزني برید یو نه بښونکی عمل او جنایت دی. ښاغلي غني و ویل دا برید د اسلامي ارزښتونو او د علمای کرامو د ګډې فتوا خلاف عمل دی او پر عامه تاسیساتو، فرهنګي بنسټونو او د بیان د آزادۍ پر ادارو برید د بخښنې وړ نه دی. ولسمشر زیاته کړه، چې په غزني ولایت کې امنیتي پلان عملي شو او دغه ولایت ته بېړنۍ مرستې او اړین اکمالات رسېدلي دي. ولسمشر د غزني درد د ځان او ټول ولس درد وباله او ټينګار وکړ چې د غزني خلکو ته د مرستې رسولو بشپړ پلان به ډېر ژر عملي شي. جمهورخبري آژانس:کابل