د جمهور خبري آژانس مرکز 8 میزان 1397 ساعت 12:27 http://jomhornews.com/ps/news/108731/ -------------------------------------------------- سرليک : د کورنیو چارو وزارت ۲۰ منسوبین د لوړو زده کړو له پاره روسیې ته ولاړل -------------------------------------------------- د افغانستان د کورنیو چارو وزارت ۲۰ تنه منسوبین د لوړو زده کړو تر لاسه کولو له پاره روسیې ته ولېږل. متن - منځ : د افغانستان د کورنیو چارو وزارت ۲۰ تنه منسوبین د لوړو زده کړو تر لاسه کولو له پاره روسیې ته ولېږل. د جمهور آژانس د خبر له مخې د کورنیو چارو وزارت وايي، دغه منسوبینو د تحصلي بورسونو له لارې روسیې ته ولېږل شول. د کورنیو چارو وزارت د عمومي دفتر رییس پاسوال رحیم الله برهاني وايي، دغه ۲۰ تنه منسوبین نن یکشنبې د تلې ۸ مه روسیې ته روان شول. نوموړي تر تګ وړاندې له منسوبینو سره لیدنه کې هغوی ته سپارښتنه وکړه، چې له زده کړو سره هم د هغه هېواد (روسیې) ټول قوانین او مقررات په پام کې ونیسي. برهاني و ویل، چې د روسیې له خوا د افغانستان کورنیو چارو وزارت ته د تحصلي بورسونو په لړ کې به راتلونکې کې نور پولیس هم دغه هېواد ته د زده کړو له پاره ولېږي. باید و ویل شي، دغه ۲۰ تنه منسوبین چې د ۱۲ ټولګیو فارغان و، د روسیې د کورګان ښار په معتبره نظامي اکاډمۍ کې په سرحدي څانګه کې د ماسټرۍ تر کچې زده کړې کړي او د زده کړو موده به یې شپږ کاله وي. جمهورخبري آژانس:کابل