د جمهور خبري آژانس مرکز 26 میزان 1400 ساعت 11:13 http://jomhornews.com/ps/news/143689/ -------------------------------------------------- سرليک : ډېر ژر به له افغانستان څخه چین ته د جلغوزو صادرات بیا پیل شي -------------------------------------------------- د افغانستان د اسلامي امارت او چینايي استازو تر منځ د نورو مسایلو تر څنګ له افغانستان څخه چین ته د جلغوزو د صادراتو پر بیا پیل خبرې اترې شوې دي. متن - منځ : د افغانستان د اسلامي امارت او چینايي استازو تر منځ د نورو مسایلو تر څنګ له افغانستان څخه چین ته د جلغوزو د صادراتو پر بیا پیل خبرې اترې شوې دي. د جمهور آژانس د خبر له مخې دغه خبرې پرون یکشنبې د تلې ۲۶ مه ماښام مهال د اسلامي امارت د بهرنیو چارو سرپرست وزیر امیرخان متقي او کابل کې د چین د سفیر وانګ یو ترمنځ شوې دي. د بهرنیو چارو وزارت ویاند عبدالقهار بلخي پر خپله ټوېټر پاڼه لیکلي، چې په دغه ناسته کې د افغانستان او چین د بهرنیو چارو وزیرانو تر منځ پر راتلونکې ناستې هم موافقه وشوه. بلخي زیاتوي، چې د بهرنیو چارو وزیرانو د ناستې ځای او نېټه به وروسته د دواړو لوریو ترمنځ نهايي شي. نوموړی وايي، دغه راز په دې ناسته کې له افغانستانه و چین ته د جلغوزو صادراتو پر بیا پیل هم هر اړخیزه خبرې وشوې. د بهرنیو چارو وزارت ویاند زیاته کړې، چنايي لوري ډاډ ورکړ، د جلغوزیو د صادراتو د بیا پیل لپاره به ټول شرایط برابر کړي او ډېر ژر به دغه صادرات بیا پیل شي. دی وایي، د افغانستان د بهرنیو چارو سرپرست وزیر د چین له سفیر څخه مننه وکړه، چې د جلغوزو د صادراتو په تړاو هڅې کوي. جمهورخبري آژانس:کابل