د جمهور خبري آژانس مرکز 26 دلو 1398 ساعت 13:00 http://jomhornews.com/ps/news/125022/ -------------------------------------------------- سرليک : ولسمشرغني د اذربایجان له ولسمشر سره کتلي -------------------------------------------------- ارګ وایي، ولسمشر محمد اشرف غني د مونیخ کنفرانس په څنډه کې د اذربایجان ولسمشر الهام علي اوف سره لیدلي دي. متن - منځ : ارګ وایي، ولسمشر محمد اشرف غني د مونیخ کنفرانس په څنډه کې د اذربایجان ولسمشر الهام علي اوف سره لیدلي دي. د جمهور آژانس د خبر له مخې د ارګ ویاند صدیق صدیقي په خپله ټوېټر پاڼه لیکي، چې په دغه کتنه کې دواړو لورو د سوداګرۍ، ترانزیت، دوه اړخیزو همکاریو او د نفتو د پېرېدنې لپاره د دولت په دولت تړون په اړه بحث او خبرې وکړې. نوموړی وايي، د اذربایجان ولسمشر الهام علي اوف د اذربایجان او افغانستان ترمنځ د اړیکو لا ښه کېدو ته په اشارې وویل، هیواد یې په بېلابېلو برخو کې له افغانستان سره مرستو ته ژمن دی. ارګ په دې اړه نور جزیات نه دي ورکړي. د یادونې ده، چې ولسمشر غني د اذربایجان د ولسمشر سربېره د مونیخ کنفرانس په څنډو کې د یو شمېر نورو هېوادونو له لوړ پوړو چارواکو سره هم لیدلي او پر مهمو موضوعاتو یې ورسره خبرې کړې. هغه پرون ماښام د امریکا له بهرنیو او دفاع وزیرانو او دغه راز د افغان سولې لپاره د امریکا له ځانګړي استازي زلمي خلیلزاد او سکاټ مېلر سره هم لیدلي او د سولې په وروستیو پرمختګونو یې ورسره خبرې کړې دي. جمهورخبري آژانس:کابل