د جمهور خبري آژانس مرکز 12 سرطان 1398 ساعت 13:12 http://jomhornews.com/ps/news/117940/ -------------------------------------------------- سرليک : نایجریا کې چاودنې ۱۴۶ تنو ته مرګ ژوبله اړولې ده -------------------------------------------------- راپورونه وايي، نایجریا کې د تېلو په یوه ټانکر کې د چاودنې له امله ۱۴۶ تنو ته مرګ ژوبله اوښتې ده. متن - منځ : راپورونه وايي، نایجریا کې د تېلو په یوه ټانکر کې د چاودنې له امله ۱۴۶ تنو ته مرګ ژوبله اوښتې ده. د جمهور آزانس د خبر له مخې پېښه د نایجریا بینو ایالت اهمبي کې کلي کې رامنځ ته شوې. راپورونه وایي، د تېلو ډک ټانکر همدې سیمه کې خراب شوی او خلکو په بوتلونو کې ترې کورونو ته تېل وړل چې چاودنه یې وکړه. سرچینې زیاتوي، چې په دغه چاودنه کې ۴۵ تنه سوځېدلي او ۱۰۱ نور ټپیان شوي دي. د بینو ایالت د لویو لارو د ساتنې قومندان علیو بابا ویلي، د ټپیانو حالت خراب دی، خو د ځینو د ژغورل کېدو هیلې شته. نوموړی وايي، زیاته مرګ ژوبله له دې کبله هم اوښتې چې د پېښې ځای ته نږدې یو بس موټر تېرېده او د دغه بس ۱۶ سورلۍ هم اور سېځلې دي چې دوه ماشومان او یوه حامله مېرمن هم په کې شامله ده. د هغه په وینا شاوخوا کورونو ته هم د اور د لمبو تاو رسېدلی او مالي زیانونه یې لیدلي دي. جمهورخبري آژانس:کابل