د جمهور خبري آژانس مرکز 17 قوس 1398 ساعت 12:30 http://jomhornews.com/ps/news/122909/ -------------------------------------------------- سرليک : دفاع وزارت په زابل او اروزګان کې د ۲۵ طالبانو د وژل کېدو خبر ورکړی -------------------------------------------------- ملي دفاع وزارت وايي، زابل او اروزګان ولایتونو کې د افغان ځواکونو د عملیاتو پر مهال د ۲۵ وسله والو طالبانو د وژل کېدو خبر ورکړی دی. متن - منځ : ملي دفاع وزارت وايي، زابل او اروزګان ولایتونو کې د افغان ځواکونو د عملیاتو پر مهال د ۲۵ وسله والو طالبانو د وژل کېدو خبر ورکړی دی. د جمهور آژانس د خبر له مخې دفاع وزارت نن یکشنبې د لیندۍ ۱۷ مه خپره کړې خبرپاڼه کې ویلي، افغان ځواکونو د زابل په شهرصفا ولسوالۍ او د اروزګان په مرکز ترینکوټ کې عملیات کړي. سرچینه زیاتوي، چې د زابل د شهر صفا ولسوالۍ په جلدک او ترنک سیمه کې د عملیاتو پر مهال ۱۴ وسله وال طالبان وژل شوي او یوه اندازه وسلې او مهمات یې له منځه وړل شوي دي. دغه راز دفاع وزارت وايي، د اروزګان د مرکز ترینکوټ په کشکنجک او راغ سیمو کې د عملیاتو پر مهال د ملا محمد اکبر متقي په ګډون ۱۱ وسله وال طالبان وژل دي. خبرپاڼه وايي، په دې عملیاتو کې د طالبانو څلور پټنځایونه، درې عرادې موټر سایکلونه، ۷ عرادې موټر او یوه اندازه وسلې او مهمات د افغان ځواکونو لاس ته ورغلي دي. طالبانو تر اوسه په دې اړه څه نه دي ویلي. جمهورخبري آژانس:کابل