د جمهور خبري آژانس مرکز 5 حوت 1398 ساعت 10:18 http://jomhornews.com/ps/news/125302/ -------------------------------------------------- سرليک : ډاکترعبدالله هم لوړه کوي، د لوړې مراسمو ته یې د چمتوالي حکم ورکړی -------------------------------------------------- د ثبات او همپالنې ټیم مشر ډاکتر عبدالله عبدالله هم پتېلې، چې د ولسمشر په توګه د لوړې مراسم تر سره کړي او د دغه مراسمو د جوړېدو لپاره یې یو کمېسیون هم ټاکلی دی. متن - منځ : د ثبات او همپالنې ټیم مشر ډاکتر عبدالله عبدالله هم پتېلې، چې د ولسمشر په توګه د لوړې مراسم تر سره کړي او د دغه مراسمو د جوړېدو لپاره یې یو کمېسیون هم ټاکلی دی. د اجرائیه ریاست ویاند مرستیال امید میثم نن دوشنبې د کب ۵ مه جمهور آژانس سره خبرو کې تایید کړه، چې عبدالله د لوړې مراسمو د تر سره کېدو لپاره د یوه کمېسیون د جوړېدو حکم ورکړی دی. هغه و ویلڅنګه چې د والیانو د ګمارنې کار دوام لري، طبعآ د ټول شموله ولسمشر د لوړې مراسم تر سره کول هم یو له اړتیاو ده. نوموړي زیاته کړه، چې ډېر ژر به د لوړې مراسمو د تر سره کېدو ځای او نېټه د افغانستان له خلکو سره شریک کړای شي. په ورته وخت کې د ثبات او همپاڼې ټیم ویاند فریدون خوځون هم پر خپله فسبوک پاڼه لیکلي، چې د ټول شموله حکومت د ټاکل شوي ولسمشر ډاکتر عبدالله عبدالله د لوړې مراسمو تر سره کېدو لپاره چمتوالی روان دی. نوموړي هم ویلي، چې ډېر ژر به د لوړې مراسمو د تر سره کېدو نټه اعلان شي، خو د ځای په اړه چې چېرته به تر سره کېږي څه یې نه دي ویلي. بل خوا ویل کېږي عبدالله د دغه چارو لپاره د ټاکل شوي کمېسیون مشر د ولسي جرګې پخوانی مرستیال همایون همایون ټاکلی دی. عبدالله پر داسې مهال د لوړې مراسمو لپاره د چمتوالي خبر ورکوي، چې د ټاکنو خپلواک کمېسیون د اساسي قانون سره سم ولسمشر محمد اشرف غني د ۵۰.۶۴ سلنه رایو په اخیستو سره د ۱۳۹۸ کال د ولسمشرۍ ټاکنو ګټونکی او منتخب ولسمشر ټاکلی دی. ارګ هم ویلي، چې د ولسمشر غني د لوړې مراسم به د راتلونکې پنشنبې په ورځ وشي، چې د جوړېدو لپاره یې د ولسمشر غني په حکم یو کمېسیون هم جوړ شوی دی. جمهورخبري آژانس:کابل