د جمهور خبري آژانس مرکز 22 اسد 1398 ساعت 14:15 http://jomhornews.com/ps/news/119354/ -------------------------------------------------- سرليک : د قطر اتم پړاو خبرې پای ته رسېدلې، خو بیا هم توافق نه دی لاسلیک شوی -------------------------------------------------- قطر کې پر افغان سوله د امریکا او طالبانو تر منځ اتم پړاو خبرې پای ته رسېدلې او دواړه لوري وايي، خبرو کې یې پرمختګ کړی دی. متن - منځ : قطر کې پر افغان سوله د امریکا او طالبانو تر منځ اتم پړاو خبرې پای ته رسېدلې او دواړه لوري وايي، خبرو کې یې پرمختګ کړی دی. د جمهور آژانس د خبر له مخې دغه خبرې له تېرو دوه اونیو راهیسې د قطر پلازمېنه دوحه کې روانې وې، پرون دوشنبې شپه پای ته رسېدلي دي. په دغه خبرو کې د دواړو لورو مذاکراتي ټیمونو د موافقې په تخنیکي اړخ، میکانېزم او عملي ګامونو باندې کار کاوه، خو بیا هم موافقه لیک لاسلیک نه شو. د خبرو تر پای ته رسېدو وروسته طالب ویاند ذبیح الله مجاهد په خپله ټوېټر پاڼه ولیکل، چې مذاکرات کټور وو. په ورته وخت کې د افغان سولې لپاره د امریکا د بهرنیو چارو د وزارت ځانګړي استازي زلمي خلیلزاد افغانانو ته په خپل اختریز پیغام کې هیله ښودلې چې دا لوی اختر به د افغانانو لپاره د جګړې وروستی اختر وي. نوموړي په افغانستان کې د جګړې د ټولو لورو پر مشرانو غږ کړی چې د اختر په مناسبت سولې ته کار وکړي. په قطر کې د افغان سولې په اړه د امریکا او طالب استازو ترمنځ د اتم پړاو خبرو له پای سره هم مهاله افغان حکومت د بین الافغاني خبرو لپاره هیله مندي ښودلې ده.. د ولسمشر ویاند صدیق صدیقي ویلي((موږ ګورو او په تمه یوو، موږ حالت له نږدې څارو، هر هغه مذاکرات چې پایله یې په افغانستان کې د جګړې ختم او اوربند وي، زموږ لپاره مهمه ده.)). د هغه په وینا تر دامهاله چې مذاکرات شوي، ښکاره پایله یې نه ده معلومه شوې او طالبانو خپلو بریدونو ته دوام ورکړی. ښاغلی صدیقي وايي، افغانان د جنګ پای غواړي او د یوې تلپاتې او باعزتې سولې غوښتونکي دي. جمهورخبري آژانس:کابل