د جمهور خبري آژانس مرکز 31 حمل 1398 ساعت 8:59 http://jomhornews.com/ps/news/115655/ -------------------------------------------------- سرليک : روسیې یو ځل بیا په افغانستان کې د داعش پر فعالیتونو اندېښنه ښودلې -------------------------------------------------- روسیې یو ځل بیا په افغانستان کې د داعش د فعالیتونو په پراخېدو اندېښنه ښودلې او ویلي یې دي، چې داعش په سوریه کې له ماتې وروسته لیبیا او افغانستان ته مخه کړې ده. متن - منځ : روسیې یو ځل بیا په افغانستان کې د داعش د فعالیتونو په پراخېدو اندېښنه ښودلې او ویلي یې دي، چې داعش په سوریه کې له ماتې وروسته لیبیا او افغانستان ته مخه کړې ده. د جمهور آژانس د خبر له مخې د روسیې دفاع وزیر سرګي شایګو وايي، داعش جنګیالي په سوریه کې له ماتې وروسته لیبیا او افغانستان ته د تګ په حال کې دي. د هغه په وینا په افغانستان کې د داعش فعالیتونه د پراخېدو په حال کې دي او دا به په یوه بل لوی ګواښ بدل شي، چې د مخنیوي لپاره یې اړینه ده، روسیه او د مرکزي آسیا هېوادونه لاس په کار شي او افغانستان ته د داعش د ورتګ مخه ونیسي. نوموړي ویلي، چې د داعش د مخنیوي لپاره باید په تاجکستان کې ۲۰۱ پوځي اډه ، چې د روسیې تر ټولو ستره پوخي اډه بلل کېږي، تجهزیر او پیاوړې شي. دا په داسې حال کې ده، چې دوه ورځې وړاندې د روسیې او تاجکستان ولسمشرانو هم د افغانستان پر روان وضعیت خبرې کړې او په دغه هېواد کې یې د داعش د فعالیتونو پر زیاتېدو اندېښنه ښودلې وه. د روسي رسنیو د راپور پربنسټ پوتین او امام علي رحمن د دواړو د تاجکستان د سرحدي پولو پر ټینګولو هوکړه کړې ده. جمهورخبري آژانس:کابل