د جمهور خبري آژانس مرکز 22 حمل 1398 ساعت 8:50 http://jomhornews.com/ps/news/115331/ -------------------------------------------------- سرليک : ولسمشر غني فاریاب ولایت ته ولاړ -------------------------------------------------- افغان ولسمشر محمد اشرف غني د یوه حکومتي پلاوي په مشرۍ د فاریاب ولایت مرکز میمنې ښار ته رسېدلي دی. متن - منځ : افغان ولسمشر محمد اشرف غني د یوه حکومتي پلاوي په مشرۍ د فاریاب ولایت مرکز میمنې ښار ته رسېدلي دی. د جمهور آژانس د خبر له مخې ښاغلی غني او ورسره پلاوی نن پشنبې د وري ۲۲ مه سهار فاریات ولایت ته ولاړ. د ولسمشرۍ ماڼۍ مرستیال ویاند شاه حسین مرتضوي پر خپله فسبوک پاڼه لیکي، ولسمشر تر اوسه ۷۰ ځلې ولایتونو او ۷۴ ځلې بهرنیو هېوادونو ته سفرونه کړي دي. د هغه په وینا د دغه سفرونو په لړ کې ۳۶ ځله ښاغلي غني یوازې د هېواد د پوځي قول رادوګانونو څخه لیدنه کړې ده. د ارګ خبرپاڼه وايي، فاریاب ته د ولسمشر غني د سفر موخه په دغه ولایت کې د سېلاب ځپلو سره لیدنه، د عامه ګټو د څو پروژو پیل او دغه راز د یاد ولایت له بېلا بېلو قومونو سره لیدنه ده. ولسمشر غني پر داسې مهال فاریاب ته په سفر ځي، چې د دغه ولایت ترکتبارانو د هغه پر ورتګ نیوکه کړې او ویلي یې دي دا یو ټاکنیز کمپاین دی. دوی پر خواله رسنیو ویلي د ولسمشر غني کاري موده پای ته رسېدوونکې ده، خو له ترک ټبر سره کړې ژمنې یې نه دي عملي کړې. جمهورخبري آژانس:کابل