د جمهور خبري آژانس مرکز 14 عقرب 1398 ساعت 11:06 http://jomhornews.com/ps/news/121947/ -------------------------------------------------- د ټاکنو خپلواک کمېسیون: سرليک : ډېر ژر به د ولسمشرۍ ټاکنو د ځینو رایو بیا شمېرنه پیل شي -------------------------------------------------- د ټاکنو خپلواک کمېسیون وایي، ډېر ژر به د ولسمشرۍ ټاکنو د یو شمېر رایو د بیا شمېر پروسه پیل شي. متن - منځ : د ټاکنو خپلواک کمېسیون وایي، ډېر ژر به د ولسمشرۍ ټاکنو د یو شمېر رایو د بیا شمېر پروسه پیل شي. د جمهور آژانس د خبر له مخې ټاکل شوې وه، د ولسمشرۍ د ځینو رایو بیا شمېر پرون دوشنبې د لړم ۱۳ مه پیل شوی واي، خو د کمېسیون چارواکو ویلي، دغه بهیر به نن سه شنبې د لړم ۱۴ مه پیل شي. خو د ټاکنو د خپلواک کمېسیون ویاند عبدالعزیز ابراهیمي له جمهور خبري آژانس سره تلېفوني خبرو کې و ویل، چې د رایو د بیا شمېر بهیر نن هم پیل نه شو. نوموړي زیاته کړه، چې د رایو د بیا شمېر بهیر په ډېر ژر پیل شي او نن له غرمې وروسته به یې د پیلېدونکې نېټې په اړه معلومات د افغانستان له خلکو سره شریک شي. د دې پوښتنې په ځواب کې، چې ولې تر اوسه د رایو د بیا شېمر بهیر نه دی پیل شوی، ابراهیمي و ویل، هغه مرکزونه او محلات چې ټاکل شوې رایې یې بیا شمار شي، ځینې معلوماتو، وضاحت او زیات تحلیل ته اړتیا لري. دی وایي، د بیا شمېرنې پروسه کې به هغه بایومتریک رایې بیا شمېرل کېږي، چې د پایلو له جدول سره سمون ونه لري او یا هم د وخت تر پیل او پای ته رسېدو وروسته کارول شوې وي. دا په داسې حال کې ده، ځینې ټاکنیز ټیمونه د رایو د بیا شمېر پروسې د ژر پیل غوښتنه کوي، خو ځینې نور بیا وایي، دا پروسه دې وځنډول شي. د عبدالله په مشرۍ د ثبات او همپالنې ټیم پرون په یوه خبري ناسته کې د رایو د بیا شمېر د ځنډ غوښتنه وکړه ویې ویل لومړی باید د لومړي پړاو شمېرنې د باوري رایو شمېر مشخص شي او وروسته د بیا دوهم ځلي شمېر پیل شي. خو د محمد اشرف غني په مشرۍ دولت جووړنکی ټیم وايي، دوی ته د رایو د بیا شمېر پروسې ځنډول نور نه دوی ته او نه هم د افغانستان خلکو ته د منلو نه دي. جمهورخبري آژانس:محمد رقیب فیاض