د جمهور خبري آژانس مرکز 18 ثور 1399 ساعت 10:12 http://jomhornews.com/ps/news/127608/ -------------------------------------------------- سرليک : خلیلزاد بیا د سولې په سفر راوتی له ملابرادر سره د تاوتریخوالی په کمولو خبرې کړې -------------------------------------------------- د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد یو ځل بیا د قطر، هند او پاکستان په سفر راوتی دی. متن - منځ : د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد یو ځل بیا د قطر، هند او پاکستان په سفر راوتی دی. د جمهور آژانس د خبر له مخې خلیلزاد پرون چهارشنبې د غوايي ۱۷ مه قطر ته رسېدلی او هلته یې د طالب د دفتر له مشر ملا عبدالغني برادر سره لیدلي دي. د امریکا د بهرنیو چارو وزارت په یوه اعلامیه کې وايي، خلیلزاد به په دوحه کې د طالبانو له استازو سره و ویني او هغوی به د امریکا او د طالبانو ترمنځ د لاسلیک شوې هوکړې په بشپړ ډول پلي کیدو ته وهڅوي. سرچینه زیاتوي، چې ښاغلي خلیلزاد به له قطر وروسته په نوي ډهلي کې د هندي چارواکو سره د افغانستان د سولې په بهیر کې د هند د رول په اړه خبرې وکړي. د دغې اعلامیې له مخې سفیر خلیلزاد به له هند وروسته پاکستان لاړ شي او په اسلام اباد کې به د پاکستاني چارواکو سره د افغانستان د سولې د بهیر په اړه وغږیږي. په اعلامیه کې ویل شويهغه به په دغو دریو هیوادونو کې د تم کیدو پرمهال په تاوتریخوالي کې په عاجل ډول د کمیدو، د بین الافغاني خبرو د پیل د مهال ویش چټکول او په افغانستان کې د کرونا د ویروس د وبا سره د مبارزې لپاره د ټولو غاړو ترمنځ د همکاري غوښتنه وکړي. په ورته وخت په قطر کې د طالبانو د سیاسي دفتر ویاند سهیل شاهین ویلي، چې د دغې ډلې د سیاسي چارو د مرستیال ملا عبدالغني برادر په مشرۍ یو پلاوي د قطر د بهرنیو چارو د وزیر په حضور کې د سفیر خلیلزاد سره تیره ورځ کتلي دي. سهیل شاهین په یو ټویټ کې ویلي، چې په دې خبرو کې د بندیانو د خلاصون، بین الافغاني خبرو او د امریکا او طالبانو ترمنځ د شوې هوګړې په بشپړ ډول د پلي کېدو په لارو چارو خبرې شوي دي. جمهورخبري آژانس:کابل