اروپايي ټولنه له افغانستان سره د همکاریو نوی پړاو پيلوي

21 دلو 1396 ساعت 9:54

اروپايي ټولنه وايي په پام کې لري، چې له افغانستان سره د همکارۍ او مشارکت یو نوی پړاو پیل کړي.


اروپايي ټولنه وايي په پام کې لري، چې له افغانستان سره د همکارۍ او مشارکت یو نوی پړاو پیل کړي.

د جمهور آژانس د خبر له مخې دغه څرګندونې د اروپايي ټولنې د بهرنیو اړیکو د څانګې مشرې فدریکا موګرېني د افغانستان د مالیې وزیر اکلیل حکیمي سره په بروکسل کې د کتنې پر مهال کړې دي.

 د اروپايي ټولنې د بهرنیو اړیکو او د امنیتي پالیسۍ څانګې ویاندې مایا کوجي یانچیچ ویلي، موګرېني او حکیمي په افغانستان کې یې د سولې او ثبات په ټینګولو کې پر کلکه ژمنه ټینګار وکړ.

نوموړې زیاته کړې، چې وروسته د افغانستان او اروپايي ټولنې د مشارکت او همکارۍ د ګډې کمېټې لومړۍ غونډه جوړه شوه.

د هغې په وینا ګډې کمېټې دوه کاري ډلې جوړې کړې چې یوه د بشري حقونو، ښې حکومتوالۍ او مهاجرت په اړه او دویمه د اقتصادي او ټولنیز پرمختګ په اړه بحث وکړي.

د اروپايي ټولنې د بهرنیو اړیکو څانګه زیاتوي، چې ګډه کمېټه دواړو خواوو ته دا امکان برابروي چې په افغانستان کې د اصلاحاتو د اجنډا په اړه بحث وکړي.

باید و ویل شي، چې پر دې پروګرام د ۲۰۱۶ کال په اکټوبر میاشت کې د بروکسل په کنفرانس کې موافقه شوې وه.

جمهورخبري آژانس:کابل
 
 
 


د مطلب کود: 101228

دمطلب پته: https://www.jomhornews.com/ps/news/101228/

جمهور
  https://www.jomhornews.com