امنیتي چارواکي وايي، په لوګر ولایت کې وسله والو طالبانو د ټاکنو له پاره د نوم لیکنې په یوه مرکز برید کړی او یو پولیس یې وژلی دی.
د جمهور آژانس د خبر له مخې وسله والو طالبانو نن یکشنبې د غويي ۲۳ مه سهار مهال د لوګر مرکز پل علم کې د نوم لیکنې په یوه مرکز برید کړی دی.
د لوګر د امنیه قوماندانۍ ویاند شاپور احمدزی وایي، طالبانو شاوخوا ۹ بجې د پل علم د پښتون آباد په سیمه کې د نوم لیکنې په یوه مرکز برید وکړ.
نوموړي زیاته کړه، چې طالبان د افغان ځواکونو له سخت مقاومت سره مه او په شاه وتمبول شول، خو په وینا یې د دوی په برید کې یو پولیس وژلش وی دي.
احمدزی زیاتوي، چې د پښتون اباد سيمې د نوم ليکنې مرکز دا مهال د خلکو پر مخ تړل شوى دى.
وسله والو طالبانو په دې اړه تر اوسه څه نه دي ويلي.
باید و ویل شي، چې تر دې وړاندې په کابل، لوګر، خوست او ځينو نورو ولايتونو کې د نوم ليکنې پر مرکزونو بريدونه شوي دي.
جمهورخبري آژانس:لوګر