سیمه ییز چارواکي وايي، افغان ځواکونو ننګرهار ولایت کې د داعش پر مرکزونو عملیات کړي او مرګ ژوبله یې ورته اړولې ده.
د
جمهور خبري آژانس د خبر له مخې د ننګرهار د والي ویاند عطاالله خوږیاڼی زیاتوي، چې دغه عملیات تېره (سه شنبې شپه) د ننګرهار ولایت د هسکه مېنه ولسوالۍ په ګنجۍ سیمه کې د داعش پر مرکزونو تر سره شوي دي.
نوموړي و ویل، د ملي امنیت ځواکونو ځواکونو په یاده سیمه کې د عملیاتو پر مهال ۷ داعش وسله وژلي او د هغوی ګڼ شمېر وسلې او مهمات یې له منځه وړي دي.
د والي ویاند زیاتوي، چې په دې عملیاتو کې د داعش دوه هغه مرکزونه چې د اختر په ورځو کې یې ننګرهار کې شوي دوه ځانمرګي بریدونه هم په کې پلان شوي و له منځه وړي دي.
داعشیانو تر اوسه په دې اړه څه نه دي ویلي.
جمهورخبري آژانس:ننګرهار