سیمه ییز چارواکي وايي، کندهار ولایت کې د یوې چاودنې له امله پنځو تنو ولسي وګړو ته مرګ ژوبله اوښتې ده.
د
جمهور خبري آژانس د خبر له مخې دغه چاودنه نن شنبې د چنګاښ دوهمه د کندهار د سپین بولدک ولسوالۍ په بازار کې رامنځ ته شوې ده.
ځايي چارواکي وايي، په یوه موتر کې چې د منځلو له پاره په سیمه کې درول شوی و، د ځای پر ځای شویو چاوېدونکو توکو له امله رامنځ ته شوې ده.
د چارواکو په خبره په چاودنه کې یو تن وژل شوی او څلور نور ټپیان شوي دي.
دوی وايي، دغه موټر د حاجي ظریف مارکېټ ته نېږدې د منځلو له پاره درول شوی وو.
تر اوسه د دغه چاودنې مسؤولیت چا پر غاړه نه دی اخیستی.
جمهورخبري آژانس:کندهار