د غزني اندړو کې د هوايي برید پر مهال ۷ وسله وژل شوي دي

په سویل ختیځ زون کې پوځي چارواکي وایي، افغان هوايي ځواکونو غزني ولایت کې پر وسله والو طالبانو بریدونه کړی او ۱۶ تنو ته یې مرګ ژوبله اړولې ده.

د جمهور خبري آژانس د خبر له مخې په دغه زون کې د ۲۰۳ تندر قول اردو زیاتوي، چې دغه هوايي بریدونه د غزني د اندړو ولسوالۍ په کجیر، جمال قلعه او مرادي سیمو کې د طالبانو پر مرکزونو شوي دي.

سرچینه زیاتوي، چې په دې بریدونو کې ۷ وسله وال طالبان وزلش وي او ۹ نور ټپیان شوي دي.

دغه راز قول اردو د میدان وردګو، بامیانو او غزني ولایتونو د لویو لارو پر سر د چاڼیزو عملیاتو د پیل خبر هم ورکړی دی.

طالب ویاند ذبیح الله مجاهد د غزني په اندړو ولسوالۍ کې د هوايي برید پر مهال د طالبانو د مرګ ژوبلې خبر رد کړی او دا یې د دولتي ځواکونو تبلیغات بللي دي.

جمهورخبري آژانس:غزني