زابل: په هوایي برید کې ۹ طالبان وژل شوي دي

25 سنبله 1397 ساعت 8:18

سیمه ییز چارواکي وايي، زابل ولایت کې د افغان ځواکونو په یوه هوايي برید کې د یوه قوماندان په ګډون ۱۴ طالبانو ته مرګ ژوبله اوښتې ده.


سیمه ییز چارواکي وايي، زابل ولایت کې د افغان ځواکونو په یوه هوايي برید کې د یوه قوماندان په ګډون ۱۴ طالبانو ته مرګ ژوبله اوښتې ده.

د جمهور آژانس د خبر له مخې د زابل د والي ویاند ګل اسلام سیال ویلي، برید پرون شنبې د وږي ۲۴ مه ماښام مهال د زابل په نوبهار ولسوالۍ کې شوی دی.

نوموړي زیاته کړه، چې افغان ځواکونو په یاده ولسوالۍ کې د وسله والو طالبانو یو موټر په نښه کړی او بمبار یې پرې کړی دی.

دی زیاتوي، چې په دغه برید کې د یوه قوماندان په ګډون ۹ وسله وال طالبان وژل شوي او پنځه نور ټپیان شوي دي.

د زابل د والي ویاند وايي، په برید کې د وسله والو طالبانو یو شمېر سپکې او درنې وسلې او مهمات هم له منځه وړل شوي دي.

خو طالبانو تر اوسه په دې اړه څه نه دي ویلي.

جمهورخبري آژانس:زابل
 


د مطلب کود: 108301

دمطلب پته: http://jomhornews.com/ps/news/108301/

جمهور
  http://jomhornews.com