د ملي امنیت سرچینې وايي، ملي امنیت ځواکونو پلازمېنه کابل کې د داعش وسله والې ډلې ۲۶ غړي نیولي دي.
د
جمهور خبري آژانس د خبر له مخې د ملي امنیت یوې سرچینې رسنیو ته ویلي، چې دغه داعشیان نن سه شنبې د وږي ۲۷ مه د کابل ښار په بېلابېلو ناحیو کې نیول شوي دي.
د سرچینې د معلوماتو له مخې دغه شمېر داعشیان د ملي امنیت د ځانګړو ځواکونو په عملیاتو کې نیول شوي دي.
سرچینه زیاتوي، چې نیول شوي داعشیان د افغانستان له بېلابېلو ولایتونو کابل ښار ته د محرم په مراسمو کې د ځانمرګو بریدونو په هدف راوستل شوي وو.
سرچینه وايي چې دغه وسله وال د عبدالله په نوم کس لخوا رهبري کېدل چې هغه هم نیول شوی دی.
جمهورخبري آژنس:کابل