د المان لومړۍ وزیرې انګیلا مېرکل د امریکا ولسمشر د نړیوالو اصولو په ماتولو تورن کړی او د هغه بهرنی سیاست یې د ټولې نړۍ لپاره خطرناک بللی دی.
د
جمهور خبري آژانس د خبر له مخې نوموړې ویلي ټرمپ هر څه د ځان او امریکا بولي او نه غواړي چې د نړیوالتوب اصولو ته درناوی وکړي.
د مېرکل په وینا، ټرمپ ان په ډېری مواردو کې د ملګرو ملتونو اصول ماتوي او هڅه کوي له دغه سازمان سرغړونه وکړي.
د المان لومړی وزیرې زیاته کړې، کلونه زیار ایستل شوی او د ملګرو ملتونو سازمان د نړۍ د نظم په موخه جوړ شوی دی نو امریکا ته په کار ده، چې د دغه سازمان اصولو ته درناوی وکړي او په نړۍ کې دې دا سیاست نه کوي چې هره خبر باید د امریکا ومنل شي.
انګیلا مېرکل وايي، د ټرمپ اوسنی سیاست د نړۍ د نظم او راتلونکې لپاره خورا خطرناک دی او د دې اړتیا ده، چې امریکایان په دې برخه کې له سره کتنه وکړي او د خپل هېواد اعتبار په نړیواله کچه وژغوري.
جمهورخبري آژانس:کابل