افغانستان او پاکستان نن د کډوالو په اړه خبرې کوي

15 عقرب 1397 ساعت 9:21

ټاکل شوې افغان او پاکستاني چارواکي به نن په پاکستان کې د مېشتو افغان کډوالو په اړه خبرې او بحثونه وکړي.


ټاکل شوې افغان او پاکستاني چارواکي به نن په پاکستان کې د مېشتو افغان کډوالو په اړه خبرې او بحثونه وکړي.

د جمهور آژانس د خبر له مخې پاکستني رسنیو ویلي په دغه ناسته کې به له پاکستان د افغان کډوالو پر وتلو او په دغه هېواد کې د کډوالو اوسنی وضعیت خبرې وشي.

ديپلوماتیکو سرچینو رسنیو ته ویلي چې دغه خبرې د سولې لپاره د پاکستان-افغانستان د ګډ عمل پلان پر بنسټ ترسره کېږي.

دا په داسې حال کې ده، چې د کډوالو په چارو کې د ملګرو ملتونو اداره وايي، دمګړی په پاکستان کې ۱,۴ میلیونه ثبت او راجستر شوي کډوال شته دي.

د دې تر څنګ داسې کډوال هم شته دي چې ثبت او راجستر شوي نه دي او نه هم د اوسېدو ځانګړي کارتونه لري.

پاکستاني رسنیو زیاته کړې، چې افغان او پاکستانی چارواکي به د دواړو کټه ګوریو د کډوالو په اړه خبرې وکړي.

پاکستاني حکومت څه موده وړاندې پرېکړه وکړه چې په پاکستان کې یې د افغان کډوالو د اوسېدو نېټه د راتلونکي کال د جون تر ۳۰مې پورې غځولې ده.

جمهورخبري آژانس:کابل
 
 
 


د مطلب کود: 109959

دمطلب پته: http://jomhornews.com/ps/news/109959/

جمهور
  http://jomhornews.com