دفاع وزارت د ۱۳۱ وسله والو مخالفینو د مرګ ژوبلې خبر ورکړی

27 دلو 1397 ساعت 10:51

ملي دفاع وزارت وايي، د هېواد په بېلا بېلو ولایتونو کې د افغان پوځ په ځمکنیو، هوايي او توپچي عملیاتو کې وسله والو طالبانو ته درنه مرګ ژوبله اوښتې ده.


ملي دفاع وزارت وايي، د هېواد په بېلا بېلو ولایتونو کې د افغان پوځ په ځمکنیو، هوايي او توپچي عملیاتو کې وسله والو طالبانو ته درنه مرګ ژوبله اوښتې ده.

د جمهور آژانس د خبر له مخې دغه وزارت نن شنبې د سلواغې ۲۷ مه په یوه خبرپاڼه کې ویلي طالبانو ته دغه مرګ ژوبله په تېرو ۲۴ ساعتونو کې اوښتې.

سرچینې زیاته کړې، چې افغان ځواکونو، په کاپیسا، پروان، غزني، پکتیا، کندهار، اروزګان، هلمند، بادغیس، فراه، سرپل، بلخ او تخار ولایتونو کې د وسله والو پر ضد ځمکني، هوايي، توپچي او چاڼیز عملیات تر سره کړي دي.

په خبرپاڼه کې ویل شوي، چې په دغه عملیاتو کې په یادو ټولو ولایتونو کې لږ تر لږه ۹۰ وسله وال طالبان وژل شوي او ۴۱ نور ټپیان شوي دي.

خبرپاڼه کې د افغان ځواکونو د زیان په اړه څه نه دي ویل شوي خو وايي، افغان ځواکونه په ټول توان له هېواد او خلکو دفاع ته هره لحظه چمتو دي.

طالبانو تر اوسه په دې اړه څه نه دي ویلي.

جمهورخبري آژانس:کابل
 
 


د مطلب کود: 113509

دمطلب پته: https://www.jomhornews.com/ps/news/113509/

جمهور
  https://www.jomhornews.com